!Buenos dias!

 
Hvernig væri nú að einhver af ykkur færi nú að skrifa sig í gestabókina mína!!!

Muchos gracias

 
Gaman að vita að síðan manns birtist þegar einhver leitar að Icelandic ass sex..............

 
Þórir er eitthvað að tala um lame einkanúmer og þá datt mér í hug það hræðilegasta sem ég hef séð en það er ÆLOVJÚ. Gjörsamlega pathetic... þetta er einmitt á einhverjum basic station bíl sem er einhverstaðar þarna fyrir neðan Logalandið. Pjúk :Þ

Annars horfði ég eitthvað þarna á hlustendaverðlaunin í gærkvöldi og djöfull tóku Rottweiler hundarnir alla í rassgatið! Sérstaklega eins og þeir sögðu sjálfið þá eru þeir minnst "FM -legasta" hljómsveitin af öllum sem tilnefndar voru. Svei mér þá ef þeir hafa ekki bara unnið öll verðlaunin sem þeir voru tilnefndir til.... annars missti ég nú reyndar af fyrri helmingnum.
En þessi kynnir var nú ekki alveg að meika það. Hann var alveg þvílíkt sorglegur..... var greinilega að reyna að vera með eitthvað stand up sem var svo ekki að virka!!!! Chloé er nú alltaf sama pæjan, hún var þarna í þessum svaka tigerkjól.... algjört babe!!!

 
Var að sjá myndbandið við Bent nálgast með Rottweiler hundunum. Það er massa flott!!

 
"Character is much easier kept than recovered"
-Thomas Paine-

 
Svan virðist vera eitthvað forvitinn að vita meira um Samtök gegn súrmeti....... Ef hann skoðar síðuna sjálfa sem ég linka þarna á sér hann væntanlega það sem ég veit. Þetta var nú bara allt eitt stórt flipp hjá þessum 5 strákum sem endaði svo á að koma í fréttirnar á skjá einum. Einn þeirra þekki ég nebbla, hann er frændi hans Gumma míns :)

 
Þetta finnst mér ótrúlega skemmtileg síða. Þarna er bæði hægt að draga sér spádómsspil og sjá stjörnuspá dagsins. Bæti henni því hérna í ýmislegt :)

 
Gleymdi að segja það en ég horfði á Sönn íslensk sakamál á sunnudaginn og djö*#& er hann Steingrímur Njálsson ruglaður. Núna neitar hann þessu öllu saman og skilur ekkert hvernig þetta allt saman festist við hann!!! Ég man ekki hvað oft hann hefur verið tekinn fyrir ölvunarakstur þrátt fyrir að hann væri löngu búinn að missa prófið ævilangt og það meira að segja NOKKRU sinnum! En ógeðslegasta fannst mér þegar hann sagði: "Mér þykir vænt um börn" OJBARASTA!!!!!!

 
Svan er eitthvað að tala illa um Samtök gegn Súrmeti. Ég veit ekki betur en að ég sé líka á þessum lista... sniff...sniff.....! Mér finnst þetta nú bara frekar fyndið :)

 
Ég sá að Svan var að tala um að hann vantaði url-ið fyrir heimasíðuna með afbrotamönnunum. Hérna er hún en er reyndar lokuð, allavega tímabundið sökum bréfs sem hann fékk frá lögreglunni í Reykjavík.

Þórir vildi nú eitthvað vita hvað var á henni, en það voru nú bara nöfn nokkra kynferðisglæpamanna, morðingja og síbrotamanna. Svo var nú sumstaðar vitnað í dómana en annars staðar bara sagt hvað þeir voru dæmdir fyrir. Síðan sagðist hann nú vera með nöfn 25 vændiskvenna og væri að vinna úr heimildaöflun... ætlaði að birta tvö á næstunni.

 
Helgin
Þetta er nú bara búin að vera hin fínasta helgi. Spákonurnar á föstudaginn höfðu nú ýmislegt að segja sem að mér finnst nú sumt frekar vafasamt. Önnur var með tarotspil og hin var að spá í bolla og hring. Báðar minntust þær nú á nám en það er það eina sem ég hugsa um núna þar sem ég á að skila inn möppu í Listaháskólann 5. apríl. Önnur sagði að ég myndi flytja í pinkulitla íbúð fyrir haustið sem ég sé nú ekki fyrir mér en hin sagði að ég myndi fá mér nýjan bíl sem var nú svona meira inn í myndinni en ég er nú samt ákveðin á að salta það aðeins. Annars sögðu þær nú ekki mikið meira um framtíðina nema þessi með tarotspilin sá fyrir sér lítið barn og heimsókn að utan sem passar nú fínt við það að systir mín kemur í næstu viku og að ég myndi fara eitthvað um páskana.. hmm... var nú ekki búin að plana neitt allavega. Síðan fékk ég nú lovers spilið hjá tarot konunni... það er nú ekki slæmt. Ekki man ég nú meira merkilegt í bili en ég var nú ekki í nema ca. 30 mín hjá hvorri. Það var nú dáldið gaman að prufa þetta og hver veit nema maður kíki einhvern tímann aftur til spákonu.....

Á laugardaginn fórum ég og Hrund út á lífið með gömlum vinkonum okkar úr grunnskóla. Það var svaka stuð og auðvitað lá svo leiðin á Sportkaffi þar sem mikið var dansað og þar hittum við hann Andra beib að sjálfsögðu en það er nú alltaf gaman að djamma með honum.

.......annars verð ég nú að játa það að ég var nú ekki jafn dugleg að gera það sem ég ætlaði mér um helgina en það var að safna mér aðeins í möppuna mína. En ég verð nú bara að kenna litir&föndur og pennanum um það þar sem það lokaði greinilega bæði kl. 14 á laugardaginn og ég fór ekki í bæinn fyrr en rúml. 14. En þetta hef ég nú samt aldrei skilið að búðir séu opnar frá 10-14 ca. á laugardögum í staðinn fyrir að vera opið frá 12-16. Hvaða venjulega manneskja nennir að drífa sig í bæinn fyrir hádegi á laugardögum... ég bara spyr?????

 
Spáðu í mig.....
Ég er nú orðin dáldið spennt að fá þessar spákonur til okkar. Ég veit ekkert hvað þær heita eða neitt, en veit þær eru tvær og við fáum hálftíma hjá hverri. Ég hef nú persónulega aldrei farið til spákonu áður þannig að þetta er góð byrjun, alltaf gaman að prufa eitthvað nýtt :) Vonandi segja þær mér nú eitthvað skemmtilegt......

Ég vona bara að ég verði ekki hérna langt fram á kvöld því ég var búin að lofa bróður mínum að passa fyrir hann.

 
saumó
ég héld alveg svaka fínan saumó fyrir stelpurnar í gær :) mikið borðað af köku, nammi, ostum og heitum rétti en samt voru konurnar i vinnunni ánægðar þegar ég kom með afganginn af kökunni í morgun.....

....annars ætlum við kjellingarnar í vinnunni að fá spákonur til okkar á morgun í vinnuna (eða eftir vinnu réttara sagt) svaka stuð :) ég hef nú aldrei farið til spákonu... þetta verður eitthvað fróðlegt.

 
"If you would hit the mark, you must aim a little above it."
-Henry Wadsworth Longfellow-

 
Elsku Egill!!!!
"Erla greyið" var nú bara ekki að dissa þína síðu eitt né neitt!! Það ert þú sem þrífst á því að setja út á allt og alla og með því að segjast vera sammála Þóri um að þú hlytir að vera á túr var ég nú ekkert að reyna að móðga þig, það er ekkert að því að vera á túr á meðan maður er ekki á túr alla daga mánaðarins. Þannig að ef ég hef eitthvað móðgað þig þá bið ég þig hér með afsökunar og vona nú bara að þú farir að sjá björtu hliðarnar á veröldinni :)

"In all things of nature there is something of the marvelous."
-Aristotle-

 
Kærar þakkir!!
Ég vil þakka Svan alveg æðislega vel fyrir að pósta hjá sér hvernig maður á að nota íslenska stafi í templatið :)

 
ConstructNorth
...heitir ráðstefna sem er um helgina um hönnun, tækni og mannvirkjagerð á norðurslóðum. Ég var mikið að pæla í að fara á viðburð sem ber heitið Hönnun á norðurslóðum. Ef það er einhver sem hefur áhuga á að kíkja með mér endilega sendið mér póst :)

 
Jííííhaaaa.....
Mamma var að segja mér brilliant fréttir í gær.... systir mín kemur 8. mars til okkar og verður yfir páskana. Ýkt gaman :) Ég sakna þeirra ekkert smá mikið og svo er dúllan hennar hún Bergþóra Karen byrjuð að segja svo mikið. Þegar ég og mamma fórum út til þeirra í lok október þá var ég alltaf að segja daddarra við hana og núna þegar Álfheiður spyr hana hvað Erla frænka segi, þá segir hún "daddada". Algjör rúsína :) Hún er einmitt orðin húkt á teletubbies núna (hún er 1 1/2 árs) og um daginn keyptum ég og mamma handa henni lala búning í Hagkaup og sendum henni út því það er festival hjá henni á barnaheimilinu í lok febrúar. Hún hafði ekkert séð svona úti og Bergþóra Karen var víst ekkert montin.. hlakka til að sjá myndir af henni í búningnum...... Jónas kærasti systur minnar kemur nú aðeins seinna af því að hann er á fullu í skóla úti en hann verður þó yfir páskana.

 
Daddara....
Hver var að tala um að orð dagsins hjá Þóri væri skemmtilegt???? Síðan hans Þóris er bara í heild betri og áhugaverðari en síðan hjá sumum sem eins og Þórir segir er eins og hann hafi verið á túr síðustu vikuna!!!!! Málið er bara það að blogg er ekkert annað en on-line dagbók og mér finnst bara hálfsorglegt að dissa dagbók annarra........ Ef þú hefur ekkert gott að segja... er þá ekki betra bara að þegja (hei vá þetta rímaði.. thíhí)

 
"It is better to sleep on things beforehand, than lie awake about them afterwards."
-Baltasar Gracián-

 
HAAA????
Ég er með svo mikla hellu út af þessu kvefi að ég er gjörsamlega stífluð út í gegn!!! Ef einhver kann góð ráð fyrir utan það að halda fyrir nefið og blása, tyggja tyggjó og geispa (because I've tried them all) má hann endilega láta mig vita......

 
Hérna kemur sko minn...... Daddara...

"Celebrity shag list"

1. Ewan McGregor
2. Jared Leto
3. Brad Pitt
4. Jay Hernandez
5. Jude Law
6. Ryan Philippe
7. Heath Ledger
8. Johnny Depp
9. Mel Gibson
10. Russel Crowe

Veit nú ekki alveg hvort þetta sé alveg loka listi - eins og Ross í friends einu sinni... það var snilldarþáttur. Hann var búinn að plasta listann og allt saman en var svo að reyna að ljúga að Isabellu Rosselini að listinn væri ekki final... en í rauninni hafði hann tekið hana af listanum því hún væri "international".. s.s. minni líkur á að hitta hana. Ef maður mundi þurfa að velja eftir líkum kæmu nú ekki margir til greina!!! Ég veit ekki um neina íslenska poppstjörnu sem er eitthvað hot... eða sorry eina. Gummi Jóns í sálinni.. hann er hot þó hann sé fertugur!!!!

 
Ég skil nú ekki hvað Egill hefur alltaf mikla þörf fyrir að dissa hann Þórir!!! Ætli hann sé ekki bara farinn að gera sér grein fyrir að síðan hans Þóris er miklu skemmtilegri heldur en hans og því lætur hann afbrýðisemina hlaupa með sig í gönur.. annars er þetta nú bara mín kenning!! Ef þetta fer svona mikið í taugarnar á honum væri nottla bara langeinfaldast að lesa ekki síðuna hans.....

 
Jíhhaaa...
Kláraði þriðju Harry Potter bókina "The Prizoner of Azkaban". Ætlaði voða voða snemma að sofa en gat svo ekki hætt :) Núna þarf ég bara að fá mér fjórðu bókina "The Goblet of Fire".....

Gummi greyið var nú barasta veikur í gær með ælupest.. ullabjakk :Þ en kvefið er gjörsamlega að ná tökum á mér. Var nú að spá í að vera meira að segja heima í gær en fannst skárri kostur að fara í vinnuna þar sem verið er að laga blokkina, "álhúða" hana. Þannig að á hverjum morgni um áttaleytið er maður vakinn með því að ljóskastara er stillt beint fyrir utan gluggann hjá manni :) æðislega huggulegt! Sem betur fer tóku þeir sér nú pásu um helgina en ég eyddi helginni í þvílíka afslöppun sem var ekkert smá gott þar sem ég hafði ekkert sofið út í tvær vikur út af Brian Tracy námskeiðinu. Annars fórum ég og Gummi í heimsókn til Jónsa&Gerðar á föstudagskvöldið og spiluðum smá Trivial. Ég held að ég og Gummi höfum aldrei verið jafn léleg!!

Nasistar
Einhvern veginn hélt ég að svona veggjakrot væri nánast hætt en yfirskriftin hér birtist mér beint framan á svölunum mínum á sunnudaginn!!! Svona er þetta nú víst að búa á fyrstu hæð.... ljóskastarar inn um gluggann á morgnanna og Nasistar hjá svölunum hjá manni... fussumsvei!

 
"Experience is the name everyone gives to their mistakes"
-Oscar Wilde-

 
"Quizzzzzz...."
Tók hérna prófin sem ég sá hjá henni Siggu, eða "quizzzzzzzz" eins og Óli mól sagði iðulega með tilheyrandi gæsalöppum.....


Which Sex and the City Player Are You? Find out @ She's Crafty


What's Your Style? Find out @ She's Crafty






Daddara.... það mætti halda að ég hefði bara kóperað prófin beint af síðunni hennar Siggu... en ég tók þau... Í ALVÖRUNNI!!

Hérna eru samt nokkur í viðbót:


Which Action Star Are You? Find out @ She's Crafty


Would you survive a horror movie? Find out @ She's Crafty

 
Ég sá nú nokkra ansi skemmtilega búninga í gær. Td. kom einn strákur klæddur eins og Hitler með hakakrossinum máluðum á bindið sitt. Svo sá ég Bart Simpson, Osama Bin Laden o.fl. En ef ég ætti barn þá fyndist mér nú eitthvað skrítið ef að það myndi vilja klæða sig sem HITLER!! Ef þetta vandamál kemur upp verður Gummi örugglega fljótur að sálgreina það... thíhí... ef hann verður einhvern tímann búinn með mig þar að segja :)

 
Make it stop, make it stop..... Ég er búin að fá nóg af Bjarnastaðabeljunum!!!!!!

 
Gamli Nói.....
Öskudagurinn runninn upp og börnin streyma að...... Ég er búin að sitja hérna í hálftíma og ég er strax búin með nammið en það er nú verið að redda meira. Ég man þegar ég var lítil og stundaði þessa iðju þá söng ég sko ekki þessi týpísku Gamla Nóa lög heldur lög eins og td. "Veistu hvað kaffið er ógeðslegt eitur, kaffið er verra en ég hugsaði mér. Á kaffinu verðurðu ljótur og feitur..." og ég bara man ekki meir!!! En þetta vakti nú allavega mikla lukku :)

Það er nú talsverður munur á búningunum núna og þegar ég var lítil. Ég er nú búin að sjá nokkra Harry Potter, einn var með XXX Rottweiler hundar skrifað og kinnina á sér, svo er ég búin að sjá nokkra goth en svo er auðvitað nokkrir sem eru pæjur og pönkarar og lína langsokkur og svoleiðis. Gaman, gaman...

 
Norðurljós
Kíkti út svona um miðnættið í gær og ég hef bara ekki séð jafn mögnuð norðurljós í mörg ár - langaði mest til að fá mér kraftgalla og leggjast í snjóinn. -- Nature is the greatest artist --

 
Ákvað að bæta honum Svan hérna inn í tenglana. Þótt ég hafi nú aldrei talað við hann í skólanum þá finnst mér oft ansi skemmtilegt að kíkja inn á síðuna hjá honum.....

 
Meiri snilld
Ég benti á svona síðu með svona 3Dmyndum og mindgames en þetta er nú enn betri síða. Allskonar svona illusions og þannig.... Eins og svo oft áður fann ég þennan link á tilverunni.

Milljón... eða bara EKKI NEITT
Ókey, ég vorkenndi nú gaurnum þarna um daginn sem klikkaði á Enid Blyton... en VÁ hvað ég vorkenndi miklu, miklu, miklu meira konunni í gær sem fékk Michael Jackson spurninguna og fékk ekki einu sinni 50.000!!!! Mér finnst þetta nú frekar svona tricky question. MJ er nú frekar svona timeless náungi.... ég meina, ég vissi að hann væri í kringum fertugt en hann hefði nú alveg eins getað verið 39 ára fyrir mér... þó 44 ára hljómi nú logicara núna þegar maður veit það.... en bara COME ON!!!

 
Brian Tracy
Þetta er nú búin að vera svaka strembin en mjög áhugaverð og skemmtileg helgi. Ég fór nebbla á Brian Tracy námskeiðið í háskólabíó um helgina. Þessi maður er engin smá snillingur. Námskeiðið var frá 9-17 báða dagana með klukkutíma í mat og tveim korters hléum og mér finnst bara ótrúlegt að maðurinn geti talað þarna í um 8 og 1/2 tíma á dag. Núna þarf maður bara að vera duglegur og tileinka sér það sem hann sagði, því það þýðir nottla ekkert að fara á svona og gleyma því jafn óðum. Heldur þarf maður að hugsa jákvætt, vera sannfærður um að maður geti allt sem maður vill, segja "ég ætla..." en ekki "ég vil" & "ég óska..." og vera duglegur að kynnast nýju fólki og halda sambandi við gamla kunningja, því fleiri sem maður þekkir því fleiri tækifæri fær maður :) og síðast en ekki síst að spyrja en auðvitað sagði hann margt margt margt fleira á öllum þessum ca. 17 tímum..... En þetta var bara alveg frábært í alla staði!!!!

 
Íhhaaaa :)
Ég er að fara á námskeið í dag, eða réttara sagt tvö námskeið.... bæði formfræði og hönnun eins og venjulega og svo er ég að fara á fyrirlestranámkeið á vegum Listaháskólans og Listasafns Reykjavíkur um arkítektúr, samtals fimm skipti og fæ ég þá alltaf að fara kl. 14:30 á fimmtudögum .. en þetta er örugglega mjög áhugavert :)

 
Kíktum í heimsókn í gærkvöldi til Jónsa&Gerðar en þau voru einmitt að fá íbúð í Espigerðinu. Hún er ekkert smá sæt og svo er líka svo fínt að hafa þau nær okkur... eða það er að segja nær Gumma.....

 
Pizza Hut...
er algjör snilld!!! Ég og Gummi pöntuðum okkur pizzu á laugardagskvöldið og ætlum að sækja svona tilboð.. miðpizza, stór brauðstangir, sósa og 1lítri af kók en svo mættum við á staðinn og viti menn eins og mín heppni er þá fannst pöntunin okkar ekki og við höfðum barasta ekki pantað síðan í október!!! Okkur leist nú ekki á blikuna og maginn farinn að kvarta af hungri.... en þökk sé frábærri þjónustu á Pizza Hut fengum við á innan við 10 mínútum STÓRA pizzu, stóran skammt af OSTAfylltum brauðstöngum, sósu og 2 LÍTRA kók og þurftum ekki að borga nema helminginn af því sem við áttum að borga í upphafi....

þannig að BIG ÖPS fyrir PIZZA HUT !!!

 
Ég vorkenndi svo stráknum í gær í Viltu vinna milljón þegar hann klikkaði á Enid Blyton spurningunni. Hann var svo viss e-ð greyið.... Annars ætla ég nú aldrei að reyna að komast í þennan þátt og upplýsa fáfræði mína fyrir öllum Íslendingum. Reyndar finnst mér nú spurningarnar orðnar talsvert erfiðari en þær voru fyrst og *bullshit* að spurningarnar séu ekki sniðnar að hverjum og einum og "tölvan velur þetta allt", eins og með þegar tekin eru burt tvö röng svör!! En það væri nú gaman að sjá einhvern af þessum MR strákum úr Gettu Betur í þættinum.......

 
EM
Þetta var nú meira svindlið í gær!!! Þjóðverjarnir unnu leikinn og svo er bara markið dæmt af.... púúúúú :o

Annars var nú bara svaka stuð á þorrablótinu á föstudaginn. Mættum nú ekki fyrr en að verða 11 en þá var meirihlutinn af fólkinu orðið dáldið hresst.. það var líka mjög hentugt að maður lét bara skrifa á sig af barnum :) Ég var nú svo mikið búin að lýsa yfir frati mínu á þorramat að það var í alvörunni keypt cherios og cocoa-puffs.... thíhí :) Reyndar kom ég nú vel mett á svæðið þar sem ég, Gummi og Hrund fengum okkur nú American Style fyrr um kvöldið.......

 
Djöfull var ég fúl yfir að missa af leiknum í gærkvöldi en ég var í myndlistaskólanum og það var ekkert smá gaman :) Námskeiðið heitir Formfræði og hönnun og við vorum að gera allskonar svona mynstur og raða saman myndum og maður var nú orðinn hálf ruglaður í hausnum á eftir, sérstaklega þar sem ég var mikið búin að vera að skoða þrívíddarmyndirnar sem ég linkaði á í gær. En Gummi var nú svo góður í gær að smmessa mér reglulega stöðuna í leiknum. Maður ætlar nú að koma sér þægilega fyrir í sófanum heima um þrjúleytið á morgun og horfa á leikinn.............

 
Blót
Ferðinni í kvöld er heitið á Þorrablót með vinnunni.... Ég & Gummi ætlum nú reyndar bara að mæta eftir matinn eins og sannri cocoa-puffs kynslóð sæmir og verður því fengið sér eitthvað ljúfmeti eins og American Style.. mmmmm.... og haldið svo í geimið. Það er nú samt dáldið skondið að fara á þorrablót og mæta ekki fyrr en eftir matinn.... thíhí

Rokrassgat
Þar er ég stödd núna en það er svo mikið rok hérna upp í vinnuna að ég bíð bara eftir að fánastangirnar detti.